"Səfərə yaxşı nəticə üçün gəlmişdik. Oyuna pis başlamadıq. İlk dəqiqələrdən hücum futbolu oynadıq. Çoxlu qol epizodlarımız olsa da, son nöqtəni qoya bilmədik. Rəqib isə əks-hücumda oynayırdı. İlk hissəni üstün keçirdik. Sadəcə, hesabı aça bilmədik. İkinci hissəyə yaxşı başlamadıq, elə ilk dəqiqədə qapımızda qol gördük. Lakin tədricən toparlandıq və hesabı bərabərləşdirdik. Ondan sonra da qol imkanlarımızı oldu, yenə topu qapıdan keçirə bilmədik. Fürsətləri sağa-sola xərclədiyimizdən istifadə edən rəqib bizi əks-hücumlarda yaxlayaraq daha 2 dəfə qapımıza yol tapdı. Bu matçı unudub qarşıdakı oyunlara hazırlaşacağıq".

"Müdafiəçimiz rəqib hücumçuyla çiyin-çiyinə mübarizə zamanı onu zərəsizləşdirdi. Hakim isə bunu qayda pozuntusu kimi qiymətləndirdi. Mən də susa bilməyərək etirazımı bildirdim və sarı vərəqə verdi. Halbuki həmin epizoda qədər bir dəfə də baş hakimə etiraz etməmişdim.
Oyunda heç də həmişə emosiyaları boğmaq olmur. Amma nə hakimə qarşı kobudluq etmişəm, nə də şəxsiyyətini alçaldan bir ifadə işlətmişəm. Amma referilərin bizə qarşı belə qərəzi neçənci dəfədi baş verir. Hər hakim səhvi və ya qərəzi oyunlarımızın nəticəsinə təsir göstərir".