Hazırlığı davam etdirən "Mingəçevir" növbəti yoxlama oyununu keçirib.

"Football-plus.az" saytının məlumatına görə, 3-cü yoxlama matçında rəqib "Kəpəz-2" olub. Divizion təmsilçilərinin duelindən gəncəlilər 3:0 hesablı qələbə ilə ayrılıb. "Mingəçevir"in baş məşqçisi Şəhruz Mustafayevin məğlubiyyətlə bağlı fikri belə oldu:

"Kəpəz"in əvəzediciləriylə son sınaq matçımızı da keçirdik və 0:3 hesabıyla yenildik. Əsas odu, heyətimizə qoşulan futbolçuları yoxladıq. İstədiyimiz futbolçuları transfer edə bilmədik. Yalnız limitə düşənləri sıralarımıza qatdıq. Əsas narahatlığım odu ki, komandanı tam komplektləşdirə bilmədim. Maddi durumumuz hamıya bəllidi. Sponsorların olmaması bizi çox geri atır. 5 gün sonra 1-ci divizionda çempionat bərpa olunur. "Neftçi-2" ilə oyuna hazırlaşacağıq. Mübarizə aparacağıq, çempionatın gedişatı hər şeyi göstərəcək".

ABDULLA İSMAYILOĞLU