“Yeni transfer nəzərdə tutulmayıb” - AÇIQLAMA
Birinci divizionda yaranan fasiləylə əlaqədar klubların toplanışı davam edir.
"Mingəçevir" növbəti yoxlama görüşünü keçirib. "İşıqçılar" doğma meydanda "İmişli"ni sınağa çəkib. Görüş 1:1 hesabı ilə başa çatıb. "Football-plus.az" saytı olaraq "Mingəçevir"in baş məşqçisi Şəhruz Mustafayevdən oyun barədə fikirlərini öyrəndik:
"Yoxlama matçlarında nəticə önəmli deyil. Heyətimizə cəlb olunan limitə uyğun futbolçular olduğundan əsas məqsəd onların potensialını üzə çıxarmaq idi. Gərgin oyun alındı, rəqib də çox istəkliydi. Hər iki komanda meydanda güc futbolu sərgilədi. Yanvarın 30-da "Kəpəz-2" ilə son yoxlama görüşümüz baş tutacaq. Yeni transfer nəzərdə tutulmayıb. Odu ki, əlimizdə olan futbolçularla heyəti formalaşdırıb çempionatın 2-ci dövrəsində mübarizəy davam edəcəyik".
ABDULLA İSMAYILOĞLU
Digər xəbərlər
