La Liqa Qavi ilə bağlı gözlənilən addımı atıb.

"Football-plus.az" xəbər verir ki, onun adı “Barselona”nın əsas komandasının siyahısından çıxarılıb. Bir neçə gün əvvəl məhkəmə klubun futboçunun yeni müqaviləsinin qeydiyyata alınması ilə bağlı apellyasiyasını əsassız saymışdı. Bu isə Qavinin əvvəlki kimi, “Barselona”nın əvəzedicilərdən ibarət komandasının oyunçusu sayıldığı deməkdi.

Xatırladaq ki, klub ötən ilin sentyabrında yarımmüdafiəçi ilə müqavilənin müddətinin 2026-cı ilin yayına qədər uzadıldığını bəyan etmişdi. Qavinin məvacibi artırılmalı idi. Lakin dekabrda rəhbərliyin Qavini əsas heyətin oyunçusu kimi sifariş edə bilməyəcəyi məlum olmuşdu. Buna səbəb kimi klubun məvacib ödənişi cədvəlində həddən artıq məbləğin formalaşması göstərilmişdi.