Nəhayət, Qavinin məsələsi böyük ölçüdə müəyyənləşib.
"Football-plus.az" xəbər verir ki, “Barselona” yarımmüdafiəçi ilə yeni müqavilə imzalamağa yaxındı.
“Marka” qəzetinin yaydığı məlumata görə, klubunun nümayəndələri ilə futbolçunun meneceri İvan de la Penya arasındakı son görüş uğurlu alınıb. Yeniyetmə futbolçu “Barselona” ilə müddəti 2028-ci ilin yayına qədər razılaşdırılan müqavilə imzalayacaq. Rəhbərlik yeni sözləşməyə Qavi üçün 1 milyard avroluq satış qiyməti ilə bağlı bənd də daxil edib.
17 yaşlı yarımmüdafiəçi ötən mövsüm komandada bütün turnirlərdə 46 oyun keçirib, 2 qol vurub və 5 məhsuldar ötürmə edib.