''Beşiktaş''da qapıçı Ərsin Destanoğlu ilə bağlı yaranmış problemə son qoyuldu.

Gənc əlcək sahibi ilə nəhayət, anlaşmaq mümkün oldu və onun müqavilə müddəti yeniləndi. Xatırladaq ki, ''Qartal''ın öz yetirməsi olan və 2020/21-də qazanılan çempionluqda böyük pay sahibi olan 21 yaşlı əlcək sahibinin müqaviləsi gələn yay başa çatırdı. Yeni təklifin şərtlərini bəyənməyən Destanoğlu bu üzdən 2 superliqa matçında ehtiyatda qalmışdı. Amma dünən bu qapıçı ilə 2027-yə qədər nəzərdə tutulan dördillik yeni müqavilə imzalandığı açıqlandı. Ərsinin məvacibinin təxminən 21 dəfə artması diqqət çəkib. Belə ki, onun 500 min lirəyə bərabər olan illik qazancı 12 milyon 500 min lirəyə (təxminən 700 min avroya) yüksəldilib. Bu mövsüm 5 oyunda şans qazanan Destanoğlunun bu axşam ''Fənərbaxça''ya qarşı derbidə start heyətində meydana çıxacağı gözlənilir.