Dünən Konyada uduzan ''Qalatasaray''ın 3 seriyası birdən qırıldı.

"Football-plus.az" xəbər verir ki, İstanbul nəhənginin Türkiyə çempionatında 14 oyunluq qələbə, rəsmi matçlarda 17 oyunluq qələbə və rəsmi matçlarda 19 oyunluq məğlubiyyətsiz seriyalarına son qoyuldu.

Xüsusilə də çempionatda ardıcıl 14 oyunluq qələbə seriyası çox güman hələ uzun illər turnirin rekordu kimi mövcud olacaq. Çünki əvvəlki rekord - ''Beşiktaş''a məxsus 13 oyunluq qələbə seriyası 63 il davam etmişdi.

Bəs görəsən bu göstəricidə Avropanın milli çempionatlarında rekord kimə məxsusdu? Bu mövzunu da dəyərli ''Futbol+'' oxuyucuları üçün araşdırmışıq.

Avropada lider ''Benfika''dı. Lissabon nəhəngi 1972-73-cü illərdə daxili çempionatda nə az, nə çox - ardıcıl 29 görüşdə qələbə qazanıb! Bu inanılmaz göstəricini təkrarlamağa ən yaxın olan komanda Zaqreb ''Dinamo''su imiş. Zaqreblilər 2006-17-ci illərdə ardıcıl 28 çempionat oyununda xal itirməyiblər. 3-cü pillədə isə 2003-04-cü illərdə ardıcıl 25 oyunda büdrəməyən ''Seltik'' qərarlaşıb. Avropa futbolunda ən uzun məğlubiyyətsiz seriya ilə bağlı rekord isə son illərdə FKSB adlanan, amma hamının ''Styaua'' kimi tanıdığı Rumıniya təmsilçisinə məxsusdu. Buxarestlilər 1986-89-cu illərdə daxili çempionatda ardıcıl 104 oyunda məğlub olmayıblar! Bu göstəriciyə heç yaxın duran da yoxdu. Ona görə də rekordun hələ uzun illər davam edəcəyini iddia etmək olar. İkinci pillədə Cəbəllütariq təmsilçisi ''Linkoln'' (2009-2014, 88), 3-cü pillədə Moldova təmsilçisi ''Şerif'' (2006-08, 63) qərarlaşıb.

Əli