“Kəpəz”in sponsor məsələsi açıq qalır
Futbolun İnkişaf Fondunun (FİF) təşəbbüsü ilə "Kəpəz"ə sponsorların tapılması üçün martın 9-da Gəncədə icra başçısı və iş adamlarının iştirakı ilə görüş keçirilib.
Toplantının təfərrüatı maraq doğurduğuna görə dünən "Kəpəz"in mətbuat katibi Azad Mustafayevlə əlaqə saxladıq:
"FİF-in təşəbbüsü ilə klub rəhbərliyi, Gəncənin icra başçısı və iş adamları arasında görüş baş tutdu. Şəhərimizin başçısı zəngin sahibkarlara komandaya dəstəklə bağlı çağırış etdi. FİF-in “Kəpəz 100k” layihısiylə bağlı əlavə təbliğat məsələləri də müzakirə olundu. Hazırda sponsorluq məsələsi açıq qalır. Buna rəğmən, axtarışlarımızı davam etdiririlk. İnanırıq ki, bizə dəstək verəcək sponsorlarla əməkdaşlıq edəcəyik".
ABDULLA İSMAYILOĞLU
Digər xəbərlər
