Yay “transfer pəncərəsi” dövründə daha bir futbolçu “Qarabağ”ı tərk edə bilər.

Söhbət Marko Yankoviçdən gedir. Monteneqrolu futbolçu ilə “Nant” yaxından maraqlanır. Adı çəkilən klubun skaut heyəti yarımmüdafiəçini “Qarabağ”la Avropa Liqasının qrup mərhələsinin oyununda bəyənib. Baş məşqçi Antuan Kombuare futbolçunun keçidi üçün ilkin danışıqların başlamasını istəyib.

Yankoviç bu mövsüm “Qarabağ”ın heyətində 34 matçda 1 qol vurub, 5 məhsuldar ötürmə ilə diqqəti çəkib. Monteneqrolunun Ağdam təmsilçisi ilə 2025-ci il iyunun 30-na kimi müqaviləsi var.

İLKİN SULTANLI