İkardi yenə Nara ilə münasibətlərindən danışdı
Futbol dünyasınını ən qalmaqallı cütlüklərindən olan Mauro İkardi ilə Vanda Nara yenidən gündəmdədi.
Bilindiyi kimi, bir müddət öncə Vanda Maurodan ayrıldığını açıqlayaraq Argentinaya yollanmışdı. İkardi də “Qalatasaray”ın oyunu olmasına rəğmən, həyat yoldaşının ürəyini almaq üçün vətəninə yollanmışdı. Okan Buruk bu olayı “İkardinin ağrıları var idi” ifadəsi ilə ört-basdır etməyə çaqlışmışdı. Təcrübəli futbolçu bir müddət sonra İstanbula qayıdaraq məşqlərə qoşuldu. Məşhur forvardın son açqılamasından belə başa düşmək olar ki, onlar hələ də barışmayıb. İkardi srağagün “instaqram”da canlı yayın açaraq Vanda ilə münasibətlərindən danışdı. Canlı yayını bir ara hətta 100 min insan da izləyirdi. Vandanın isə argentinalı reper L-gante ilə birlikdə olması xəbərləri səngimək bilmir. Reperin “instaqram”dakı son paylaşımlarının böyük əksəriyyəti Vanda ilə bağlıdı. Onlar hətta eyni klipə çəkilməyə də macal tapıb.
İkardini dinləyək:
“Mən dəli deyiləm. Vandanın necə insan olduğunu həmişə bilirdim və onu tərəfini tutmağa çalışırdım. Amma elə vəziyyətə gəlib çıxmışıq ki, tərəf tutulası heç nə qalmayıb. Vanda davranışı ilə bütün dünyada özünü gülüş obyektinə çevirir. Bütün bunlardan artıq təngə gəlmişəm. Eyni zamanda yalan xəbərlərdən də bezmişəm. Argentinada Vandanın cangüdənlərinin məni onun yanına buraxmamaları haqda yazılanlar tam yalandı. “Qalatasaray”dan icazə alıb ora yollanmışdım. Gedəcəyim əvvəlcədən bəlli idi. Sonra da İstanbula qayıdaraq məşqlərə başladım. Ayrılıq qərarını mən yox, Vanda verdi. Artıq neçə müddətdi Argentinadadı. Belə davam edə bilməz. Övladlarımız naminə nəsə etməliyik. Mənim necə ata olduğumu hər kəs bilir. Hətta mənim olmayan 3 uşağı da özümünkü kimi sevirəm. Bütün övladlarımız bir arada böyüyüb”.
“Qalatasaray” fanatları isə yavaş-yavaş bu “sabun operası”ndan təngə gəlməyə başlayır. İkardi “Qalatasaray”a gəldiyi gündən bəri qolları yox, yalnız şəxsi həyatı ilə gündəmdədi. Fanatlar ona “sənin Nara ilə problemlərini dinləməkdən bezmişik. Artlq yetər. İndi də qollarını görmək istəyirik” tipli mesajlar göndəriblər. Məşqlərdə çox yaxşı təsir bağışlayan təcrübəli futbolçunun sabah Kayseri səfərində necə oyun göstərəcəyi böyük maraqla gözlənilir.
Digər xəbərlər
