Tobi Alderveyreld bundan sonra yalnız bir komandada çıxış edəcək. O, beynəlxalq karyerasını başa vurub.

"Football-plus.az" xəbər verir ki, təcrübəli futbolçu Belçika yığmasındakı çıxışını dayandırıb.

“Antverp”in müdafiəçisi sosial şəbəkələrdəki hesabında milli formadakı ən unudulmaz anlarını əks etdirən videomaterial yerləşdirərək qısaca “Hamınız sağ olun” cümləsini yazıb. Alderveyreld milli komandada 2009-cu ildən çıxış edirdi. Ötən müddətdə yığmada 127 oyun keçirən 34 yaşlı futbolçu 5 qol vurub.

Tobinin əvvəllər “Ayaks”, “Atletiko”, “Sauthempton”, “Tottenhem” və “Əl-Duhail”də oynadığını, “Antverp”ə ötən il gəldiyini də xatırladaq.