“Yanvarda yazdırdığım mahnının çoxlu müzakirələrə səbəb olduğunu bilirəm. Mən elə mühitdə böyümüşəm ki, orda həmişə qadının özünü sübut etmiş bir insan sayılması üçün kişiyə ehtiyacı olurdu. Mənim də ailə sahibi olmaq uşaqlıq arzum idi. Mənim təsəvvürümdə hər zaman uşaqlar öz valideynləri ilə eyni evdə yaşamalıydılar. Amma həyatda heç də bütün arzular reallaşmır. Düzdü, həyat hər bir insanın qarşısında günahını yumaq üçün başqa bir yol açır. Özümdən çox sevdiyim iki övladı mənə bəxş etməklə həyat mənə çox şey verdi. Hər şeyə rəğmən, onlara örnək olmalıyam. Artıq gözəl anlayıram ki, hər bir qadına mütləq bir kişi lazım olması barədə rəvayətlər yalandı! Həmişə emosional baxımdan kişilərdən asılı olduğumu etiraf etməliyəm. Amma indi bu məsələyə tam başqa gözlə baxıram. Öz ayaqları üstündə dura bilən müstəqil bir qadın olduğumu düşünürəm. Bir qadın həyatda çətinliyin öhdəsindən gələ bilirsə, daha da güclü insana çevrilir. Çünki artıq öz zəif və güclü tərəflərini bilərək buna uyğun addım atmağa başlayır. Bir neçə il öncə bu cür açıqlamalar verməzdim. Çünki tam fərqli düşünürdüm. “Bizarrap” ilə birlikdə araya-ərsəyə gətirdiyimiz həmin mahnıdan sonra studiyadan sanki tam başqa insan kimi ayrıldım. Bu mahnı mənə içimdəkiləri çölə tökməyə, emosiyalarımı çıxarmağa yardım etdi. Məndən sanki par çıxdı. Bunun sayəsində psixoloji cəhətdən özümə gələ bildim. Bu mahnı sayəsində özümü ifadə etmək fürsətim olmasaydı, əvvəlki insan kimi qalacaqdım. Mən həmişə mahnılarımda sanki söz haqqı olmayan və ya danışa bilməyən insanların əvəzinə danışıram. Cəmiyyət üçün vacib məqamlarda hər zaman qadınlar ortaya çıxır. Ona görə də bir-birimizə dəstək olmalıyıq. ABŞ-ın sabiq dövlət katibi Madlen Olbrayt demişkən, digər qadınları dəstəkləməyən qadınlar üçün cəhənnəmdə xüsusi bir yer hazırlanıb! Həyatımın növbəti mərhələsinə tam hazıram. Qoy, həyat gəlsin və bu dünyada başqa nələrin olduğunu mənə göstərsin”.

“Dükanlara sevgilimlə birlikdə gedirəm. Bütün geyimlərimi o seçir. Mən sanki bir kuklayam”.