Xerard Pike ilə Şakira həyat yollarını ayırandan sonra da gündəmdən düşmürlər.

Football-plus.az xəbər verir ki, son vaxtlar onlarla bağlı hər həftə cəlbedici xəbərlərə təsadüf olunur.

Valideynləri sabiq futbolçunun keçmiş sevgilisinin evində davamlı olaraq yüksək səsli musiqidən şikayətlənirlər. İspaniya mənbələrinin xəbərinə görə, Şakiranın Barselonadakı villası “Barselona”nın sabiq oyunçusunun valideynlərinin malikanəsinin yaxınlığında yerləşir. Məşhur müğənninin evində tez-tez yüksək səsli musiqi ilə əyləncə gecələri keçirilir. Xerardın atası ilə anası Şakiranın səs-küylü məclislərindən beziblər. Onlar hətta köçməyi də düşünüblər. Ancaq götür-qoy edəndən sonra bu fikirdən daşınıblar. Bu isə səbəbsiz deyil: Şakira tezliklə Mayamiyə köçməyi planlaşdırır.
Qeyd edək ki, Pike ilə Şakira ötən ilin iyulunda futbolçunun xəyanətinə görə ayrılıblar.