Dünən Türkiyə çempionatında 24-cü tura start verildi. Açılış oyununda ''Alanyaspor'' ''İstanbul BŞ''ni qəbul etdi.

"Football-plus.az" xəbər verir ki, bu, Ərsun Yanalın alanyalıların başında debüt oyunu idi.

Bilindiyi kimi Yanal bir neçə gün öncə istefa verən italiyalı Françesko Fariolinin əvəzinə baş məşqçi postuna gətirilmişdi. Təcrübəli mütəxəssisin debütü uğurlu alındı və ''Alanyaspor'' Əfqan Bəkiroğlunun 54-cü dəqiqədə vurduğu qol sayəsində qalib gəldi. Meydan sahibləri son 20 dəqiqəni azlıqda keçirsələr də, qonaqlar məğlubiyyətdən qurtula bilmədilər.

Beləliklə, Yanal sabiq yetirməsi olan Əmrə Belözoğluya qalib gəldi. 2013/14-də Yanal ''Fənərbaxça''da işləyərkən Əmrə də klubun şərəfini qoruyurdu. 4 oyunluq qələbəsiz seriyaya son qoyan ''Alanyaspor'' 25 xalla 11-ci pilləyə yüksəldisə, ardıcıl 2-ci oyunda minimal məğlubiyyətlə barışmalı olan ''İstanbul BŞ'' 40 xalla 4-cü pillədədi. Bu komanda son oyunda ''Kayserispor''a boyun əymişdi.

Əli