Futzal üzrə Azərbaycan millisi bu gün DÇ-2024-ün əsas mərhələsində növbəti oyununu keçirib.

"Football-plus.az" xəbər verir ki, komandamız Yunanıstan yığması ilə qarşılaşıb. Bakı İdman Sarayında keçirilmiş oyundan əvvəl AFFA-nın baş katibi Sərxan Hacıyev və Azərbaycan Futzal Federasiyanın prezidenti, AFFA İcraiyyə Komitəsinin üzvü Zaur Axundov milli komandadakı çıxışını başa vuran Vitali Borisova milli komandanın formasını hədiyyə edib.

Yunanıstan millisi baş vermis qatar qəzasında dünyasını dəyişənlərin xatirəsinə ehtiram olaraq meydana qara sarğı ilə çıxmışdı. Afinadakı oyunla müqayisədə rəqibin heyətində 6 dəyişiklik edilmişdi.

Oyuna gəldikdə, fasiləyə qədər rəqib qapısından 3 cavabsız top keçirən futzalçılarımız ikinci hissədə rəqiblə eynisayda qol vursa da, meydanı 3 xalla tərk etməyi bacardı. Aktivindəki xalların sayını 9-a çatdıran komandamız elit-raunda vəsiqəni təmin etdi. Komandamız növbəti oyununu martın 7-də səfərdə Polşa yığmasına qarşı keçirəcək.

Azərbaycan - Yunanıstan 5:2
Eduardo, 3, Eni, 9-öz qapısına, Rafael Vilela, 12, Felipinyo, 21, Amadeu Fernandes da Silva, 32 - Ensi, 24, Ntatisx, 27.
Baş hakim: Eduardu Koelyu (Portuqaliya)