Futzal üzrə millimizin DÇ-2024-ün əsas mərhələsində Yunanıstanla keçirəcəyi ev oyununa hakim təyinatları açıqlanıb.

Football-plus.az Azərbaycan Futzal Federasiyasının saytına istinadən xəbər verir ki, oyunu Portuqaliyadan olan referilər idarə edəcəklər.

Eduardu Koelyu birinci, Kristianu Santus ikinci, Felipe Duarte üçüncü hakim kimi iş başında olacaq. Xorvatiyalı Edi Sunjiç hakim-inspektor kimi Bakıya səfər edəcək. Matçın UEFA nümayəndəsi Hyugen Kim Robin (Norveç) olacaq.

Martın 3-də Bakı İdman Sarayında keçiriləcək Azərbaycan – Yunanıstan oyunu saat 20:00-da başlayacaq.