"Qarabağ"ın uğursuzluğunun səbəbi irəlidə yer alan Ramil – Zubir - Musa “üçlüy”ünün zəif çıxışıdı. Nə rəqib müdafiəsini təzyiq altında saxlaya, nə qol epizodları yarada, nə də fərqlənməyi bacardılar. Hər üçü potensialından aşağı çıxış etdi. Bacarıqlarının heç 30 faizini ortaya qoya bilmədilər. Qapı, müdafiə xəttimiz isə yaxşı oynadı. Yankoviçin yoxluğu hardasa yarımmüdafiədə kreativliyin az olmasını şərtləndirmişdi. Amma orta sahədə yer alanlar bacardıqlarını etdi. Onların işlərinin öhdəsindən gəldiyini düşünürəm. Bir daha deyirəm, irəlidəki futbolçuların heç biri faydalı işlə yadda qalmadı. Bu da oyunun nəticəsini və komandanın avrokubokdan kənarda qalmasını şərtləndirdi”.