"Qarabağ" möhkəm komandadı" - "Gent"in baş məşqçisi
"Gent"in baş məşqçisi Heyn Vanhazebruk açıqlama verib.
"Football-plus.az" xəbər verir ki, mütəxəssis Belçika təmsilçisinin Konfrans Liqasının pley-off mərhələsində "Qarabağ"a rəqib olması ilə bağlı da fikirlərini bildirib:"Mənim üçün rəqibin kimliyinin fərqi yoxdu. Çətin rəqiblər idi. "Latsio" ad baxımından digərlərindən fərqlənir. Bundan başqa, bizə ən uzaq səfər düşdü.
"Qarabağ" çətin komandadı. Çempionlar Liqasında az qala qruplara yüksəlirdilər. Polşa çempionu "Lex"i, İsveçrə çempionu "Sürix"i sonra da Macarıstan çempionu "Ferentsvaroş"u mübarizədən kənarlaşdırdılar.
"Qarabağ"ın "Viktoriya" ilə oyunlarına baxsaq, görərik ki, möhkəm komandadı. Lakin təkrar edirəm, Konfrans Liqasının pley-off mərhələsində zəif rəqib yoxdu. Bununla yanaşı, hələ bir neçə cəlbedici klublar da var. Çox vaxt kiçik ölkələrin klubları burada olur. Lakin İtaliyadan "Fiorentina", İspaniyadan "Vilyarreal" kimi adlar var".
"Qarabağ" "Gent"ə qarşı ilk matçını fevralın 16-da evdə, cavab qarşılaşmasını isə fevralın 23-də səfərdə keçirəcək.
Digər xəbərlər
