Polşa da “boykot” dedi
Polşa Boks Assosiasiyası Rusiya və Belarusdan olan idmançıların iştirakı üzündən kişilər və qadınlar arasında keçiriləcək növbəti dünya çempionatını boykot etməyə qərar verib.
Bu haqda açıqlama Polşa Boks Assosiasiyasının vitse-prezidenti Matset Demelin adından yayılıb:
“Rusiyalı və belaruslu boksçuların iştirak edəcəyi yarışlara qatılmamağa qərar verdik. Yeni qərar qəbul olunana qədər köhnə qərarımız qüvvədədi. Biz öz hərəkətlərimizdə ardıcılıq”.
Xatırladaq ki, Polşaya qədər ABŞ və Böyük Britaniyanın boks qurumları da qarşıdakı dünya çempionatlarından çəkildiyini bəyan edib. İş ondadı ki, rusiyalı Umar Kremlyovun rəhbərlik etdiyi Beynəlxalq Boks Federasiyası (IBA) ötən ilin oktyabrında Beynəlxalq Olimpiya Komitəsinin tövsiyələrinə məhəl qoymayaraq Rusiyadan və Belarusdan olan boksçuların öz ölkələrinin bayrağı altında çıxış etməsinə icazə verib. Kişilər arasında dünya çempionatı mayın 1-14-ü aralığında Daşkənddə, qadınlar arasındakı mundial isə martın 15-31-i aralığında Dehlidə keçiriləcək.
Digər xəbərlər
