“Tofiq Bəhramov”da yenilik
Düz bir həftə sonra Tofiq Bəhramov adına Respublika stadionunda anşlaq olacaq.
“Qarabağ” Konfrans Liqasının pley-offunda “Gent”i qonaq edəcək. Təbii ki, oyuna maraq böyükdü. Hamı komandamızın mərhələni keçməsini istəyir. Belə məqamlarda “Tofiq Bəhramov”un ot örtüyündə problemlər olur. Görəsən, indi vəziyyət necədi? Arena “Gent”lə oyuna hazırdı?
Suallarımızı “Tofiq Bəhramov”un direktoru Şamil Quliyevə ünvanladıq:
“Arenada son tamamlama işləri gedir. Stadionda hansısa problem yoxdu. Turniketlərin quraşdırılması bitmək üzrədi. Ot örtüyü ideala yaxındı. Sadəcə, tablonu dəyişirik. Hansısa problem yox idi. İstifadə müddəti başa çatmışdı. 12 ildən çox idi işləyirdi. Bu üzdən təzəsini quraşdırdıq. “Gent”lə oyunda istifadəyə veriləcək. Dediyim kimi, stadionla bağlı hansısa problem yoxdu. Xırda çatışmazlıqlar var. Onları da oyun gününə kimi həll edəcəyik”.
İLKİN SULTANLI
Digər xəbərlər
