“Qarabağ” – “Gent” matçına bir həftə qalıb.

“Football-plus.az” xəbər verir ki, sabah görüşün biletləri satışa çıxarılacaq. Bunu həmişəki kimi “iticket.az” saytı həyata keçirəcək. Bu il Ağdam təmsilçisinin avrokuboklardakı əvvəlki görüşlərində bununla bağlı problemlər yaşanırdı. Bəzən sayt çökürdü, bəzən insanlar bilet ala bilmirdi. İndi bu problemlər olmayacaq ki? Sualımızı şirkətin direktoru Kamran Abasova ünvanladıq:

“Hansısa problemimiz yoxdu. Satışla bağlı yeniliklər etmişik. Bu, texniki məsələlərdi. Alıcılar bunu hiss etməyəcək. Lakin bizim işimizi asanlaşdıracaq sistem tərtib etmişik. Bir sözlə, biletlərin satışına hazırıq. Klub nə zaman vaxtı açıqlasa, həmin andan etibarən “Qarabağ” – “Gent” oyununun biletlərinin satışı saytımızda aktiv olacaq”.

İLKİN SULTANLI