İngiltərə premyer-liqasında avqustun laureatları müəyyənləşib.

Football-plus.az xəbər verir ki, ən yaxşı məşqçi və oyunçu üçün nəzərdə tutulan mükafatlar fərqli klubların üzvlərinə çatıb.

Ötən ayın ən yaxşı məşqçisi “Arsenal”ı çalışdıran Mikel Arteta olub. 40 yaşlı mütəxəssisin komandası avqustda keçirdiyi 5 matçın hamısında qalib gəlmişdi. Arteta Xosep Qvardiola (Mançester Siti), Antonio Konte (İnter), Qrehem Potter (“Brayton”, hazırda isə “Çelsi”) və Marko Silvanı (Fulhem) qabaqlayıb. Qeyd edək ki, Arteta “Arsenal”ın baş məşqçisi kimi 3-cü dəfə mükafat alıb. O, bundan əvvəl 2021-ci ilin sentyabrında və 2022-ci ilin martında ən yaxşı məşqçi adına layiq görülmüşdü.

“Mançester Siti”nin hücumçusu Erlinq Holann isə avqustun ən yaxşı oyunçusu seçilib. O, premyer-liqadakı debüt mövsümünün ilk ayında unikal nəticə əldə edib. Norveçli forvard ötən ay ölkə çempionatında meydana çıxdığı 5 oyunda 9 qol vurmuş və 1 məhsuldar ötürmə etmişdi. Bu isə premier-liqada rekord start hesab olunur. Holannın bu liqanın ilk 5 oyununda 8 qol vuran Maykl Kuinn ilə Serxio Aqueronun rekordunu yenilədiyini də bildirək.