İngiltərə premyer-liqasında sentyabrın ən yaxşıları müəyyənləşib.

Football-plus.az xəbər verir ki, iki nöminasiya üzrə mükafatlar eyni klubun üzvlərinə çatıb.

Ayın ən yaxşı futbolçusu üçün nəzərdə tutulan mükafata Markus Reşford layiq görülüb. “Mançester Yunayted”in 24 yaşlı hücumçusu digər namizədlər Filip Billinq (Bornmut), Aleks İvobi (Everton), Kevin De Bruyne (Mançester Siti), Pyer-Emil Höybyerq (Tottenhem) və Ceykob Remsini (Aston Villa) qabaqlayıb.

Xatırladaq ki, Reşford sentyabrda ölkə çempionatının 2 matçında 2 qol vurmuş və 2 məhsuldar ötürmə etmişdi.

Premyer-liqada sentyabrın ən yaxşı məşqçisi adını Erik ten Haq qazanıb. “Mançester Yunayted” onun rəhbərliyi altında keçirdiyi oyunlarda “Lester”ə (1:0) və lider “Arsenal”a (3:1) qalib gəlmişdi. Niderlandlı baş məşqçi sorğuda Antonio Konte (Tottenhem) ilə Qari O’Nili (Bornmut) arxada qoyub. MY premyer-liqada 6 oyuna 12 xalla 5-ci yerdədi.