“Fənərbaxça”ya gəldiyim ilk mövsümdə, demək olar, meydana çıxmaq şansım olmadı. Nə qədər çətin olsa da, həvəsdən düşməməyə çalışdım və üzərimdə işləməkdə davam etdim. Oynadıqca fiziki və psixoloji cəhətdən güclənməyə başladığımı hiss etdim. Bu baxımdan son 3 mövsüm mənim üçün uğurlu keçib. Komandada çox sayda təcrübəli oyunçu var. Hər kəs mövsümün bu anında məsələnin ciddiliyini anlayır və bir-birini dəstəkləməyə çalışır. Düzdü, mən bəzi oyunçulardan daha uzun müddət bu komandadayam. Amma elələri var ki, bura gəlməmişdən öncə bir çox titul qazanıb. Əslində sevdiyim mövqe “10 nömrə”di. Amma cinahlarda da özümü çox rahat hiss edirəm. Harda oynamağımdan asılı olmayaraq, yaxşı performans sərgilədiyimi düşünürəm. Özəlliklərimi meydanda göstərməyə çalışıram. Baş məşqçi harda göstəriş versə, orda da oynamağa hazıram. Ötən mövsümün ikinci dövrəsindən etibarən yüksəlişdəyik. Jerju Jezuşun gəlişindən sonra da bu qrafiki davam etdiririk. Jezuşun sayəsində taktiki cəhətdən bir qədər də inkişaf etmişik. Onun həm komandaya, həm də ayrı-ayrı oyunçulara böyük faydası dəyir. Təbii ki, mənim də Avropada oynamaq arzum var. Amma indi çempionluq mübarizəsi apardığımız bir məqamda bu haqda danışmaq istəmirəm. Bütün diqqətimi “Fənərbaxça”ya yönəltmişəm”.