“Hazırda könüllülərlə birgə Laçın - Xankəndi yolunda təşkil olunan aksiyadayam. Əsas istəyimiz Qarabağ bölgəsində yaşanan ekoloji cinayətlərə son qoyulması və təbii sərvətlərimizin talanmasının qarşısının alınmasıdı. Mövqeyimiz qətidi. Sona qədər aksiyada iştirak edəcəyik”.
Qarabağdakı son durumu anladan Yusif bəy Region Liqasında ilk dövrəni belə dəyərləndirdi: “Bildiyiniz kimi, artıq iki regionda ikinci dövrəyə start verilib. Qışa qədər keçirilən oyunlara gəlincə, ilk yarını qənaətbəxş saymaq olar. İstər təşkilati, istərsə də komandaların səviyyəsi baxımından heç bir problemlə qarşılaşmadıq. Əvvəlki illərlə müqayisədə iştirakçıların özündə də inkişaf hiss olunur. Region Liqasının həvəskar status daşımasına baxmayaraq, yarışa qatılan komandalar həm təşkilati, həm də başqa məsələlərdə daha peşəkar səviyyədə işləyirlər. Hiss olunur ki, ildən-ilə səviyyə yüksəlir, iştirakçılar işini daha peşəkar qurmağa çalışır”.

“Bir neçə oyun üzürlü səbəbdən keçirilməyibsə, texniki məğlubiyyət verilən komandalar da var. Onlara da ciddi xəbərdarlıq olunub. Yenə deyirəm, əvvəlki mövsümlərlə müqayisədə bu il vəziyyət daha yaxşıdı. 3-4 il əvvəl iştirakçılar yarışa o qədər də ciddi önəm vermirdilər, çatışmazlıqlar çox idi. İndi vəziyyət daha yaxşıdı. Həvəskar komandalar peşəkarlaşma yolunda ciddi işlər görür ki, bu da bizi sevindirir”.

“Əvvəlcə onu bildirim ki, Naxçıvanda keçirilən oyunlara da nəzarət edirik. Birbaşa cavabdeh isə Naxçıvan Futbol Federasiyasıdı. Yarışın təşkilinə görə məsuliyyət daşıyırlar. Daim onlarla əlaqə saxlayırıq. Oyunların baş tutmasına gəlincə, əslində orda bir komanda yarışı yarımçıq tərk edib. Məhz onların iştirakı ilə keçirilən qarşılaşmalar təxirə salınıb. Texniki məğlubiyyətlərin çoxluğu həmin kollektivin yarışdan kənarlaşdırılmasından qaynaqlanır”.