Fürinin atası Usikə söz atdı, o da cavab verdi
Peşəkar boks dünyası artıq aylardı Tayson Füri ilə Aleksandr Usik arasındakı mümkün döyüşü müzakirə edir.
Britaniyalı superağır çəkidə WBC, ukraynalı isə WBA, IBF və WBO çempionudu. Göründüyü kimi, qarşıdakı duel həm də birləşdirici döyüşdü. İndiyə qədər keçirdiyi 33 döyüşün hamısında qalib gələn Taysonun atası Con Füri növbəti dəfə Usikə söz atıb:
“Tayson məğlubedilməzdi. “Qaraçı şahzadəsi” bütün dünyada qalib gəlib. O, bir ukraynalı “bomj”u məğlub edib, digərini də məğlub edəcək. Tayson artıq tarixin ən dahi ağırçəkililəri sırasına daxildi. Bunun üçün dovşanı məğlub etmək vacib deyil. Düzünə qalsa, bunlar fərqli ölçülərdi. Mən Usikdən böyük döş görmüşəm. Tayson artıq dahidi, Uaylderə, Kliçkoya, bütün başqa top səviyyəli döyüşçülərə qalib gəlib. O, 33 döyüşün hamısında qalib gəlib, bunların heç birində kimsə onu məğlub etməyə yaxın olmayıb”.
İndiyə qədər keçirdiyi 20 döyüşün hamısından qalib ayrılan Usik isə Cona yox, oğlu Taysona videomüraciət ünvanlayıb. “Yekəqarın, bax gör nə yeyirəm (burgeri göstərir – red.). Nəm-nəm-nəm. Növbətisi sənsən”.
Xatırladaq ki, Füri ötən il dekabrın 3-də keçirdiyi son döyüşdə Derek Çisoranı, Usik isə avqustun 20-də Entoni Coşuanı məğlub edib. Füri ilə Usik arasındalı birləşdirici döyüşün yazda keçirilməsi gözlənilir.
Digər xəbərlər
