Kvabena Ovusu karyerasını yenidən Türkiyədə davam etdirə bilər.

“Football-plus.az” xəbər verir ki, bu məlumatı “Fotomaç” nəşri yayıb. İnformasiyaya görə, “Sakaryaspor” 24 yaşlı forvardın transferində israrını davam etdirir. Klub transfer siyahısının ilk pilləsində Ovusunun adı yer alıb. Onun hücumun həm cinahında, həm də mərkəzində oynamaq bacarığı baş məşqçi İlker Pürenin xüsusi diqqətini çəkib. TFF 1-ci liqa təmsilçisi transferin reallaşması üçün bu dəfə Ağdam klubuna daha yüksək məbləğ təklif edəcək.

Sakaryalılar Azərbaycan klubundan futbolçunu birbaşa transfer etmək istəyir. “Köhlən atlılar” bu versiya ilə razılaşmasa, Türkiyə təmsilçisi qanalını icarə əsasında heyətinə qatmağa da razı olacaq.

Qeyd edək ki, ötən mövsümü “Ankaragücü”də keçirən Kvabena Ovusu TFF 1-ci liqada 10 qol vurub. Qanalının “Qarabağ”la müqavilə müddəti 2023-cü ilin yayına qədərdi.