Antalya toplanışını başa vurub srağagün vətənə dönən “Sumqayıt” bir günlük istirahətin ardından dünən məşqə çıxıb.

Football-plus.az xəbər verir ki, Samir Abasovun komandası “Zirə” ilə oyuna “Kapital Bank Arena”da hazırlaşır.

Antalyada olduğu müddətdə braziliyalı Dieqo Karioka və yapon Masaki Murata ilə anlaşan “kimyaçılar” daha bir legionerlə ortaq məxrəcə gəlib. Söhbət Kərim Abubakardan gedir. Dünən günorta saatlarında Bakıya gələn qanalı forvardın son klubu “Bney Yehuda” olub. 27 yaşlı mərkəz hücumçunun karyerasının çox hissəsi isə İspaniyanın aşağı dəstə təmsilçiləri ilə bağlıdı.

Yeri gəlmişkən onu da qeyd edək ki, Türkiyədəki təlim-məşq toplanışı zamanı “Sumqayıt”ın düşərgəsinə qoşulan Kamran Əliyevin mövsümün ikinci yarısında “kimyaçılar”ın formasını geyinəcəyi dəqiqləşib. Müqavilə ilə məxsus olduğu Tula “Arsenal”ı forvardla yolları ayrıdğını bəyan edib.

RƏŞAD