Yanvarın 5-də Antalyaya yollanan “Sumqayıt” hələ ki, məşqlərlə kifayətlənir.

Samir Abasovun çalışdırdığı komanda ilk yoxlama görüşünü yanvarın 12-də Macarıstanın yüksək liqasında çıxış edən “Mezököveşd”lə qarşı keçirəcək.
Bu yerdə onu da qeyd edək ki, “kimyaçılar” qış fasiləsində ilk transferini reallaşdırıb.

“Football-plus.az” xəbər verir ki, “gənclik şəhəri”nin təmsilçisi brazliyalı Dieqo Karioka ilə ortaq məxrəcə gəlib. Hazırda komandanın düşərgəsində olan Dieqo karyerası ərzində Belarusda“Şaxtyor”un, “Vitebsk”in, Polşada “Yagelloniya”nın Macarıstanda “Zalagerseq”ın şərəfini qoruyub. Son klubu Ukrayna “Kolos”u olan 24 yaşlı braziliyalı həm yarımmüdafiənin solunda, həm də hücumda çıxış edir. Onu da qeyd edək ki, “Sumqayıt”ın yeni transferi 2022/23 mövsümünün ilk yarısında “Kolos”un heyətində cəmi 4 matça çıxıb. Passivində 1 sarı vərəqə olan futbolçu nə məhsuldar ötürmə, nə də qolla yadda qalıb.

RƏŞAD