Premyer-liqada 11 tur eridə qalsa da “Sumqayıt” hələ də qələbə üzünə həsrətdi.

“Kimyaçılar”ın hesabında hazırda 4 xal var. Çempionatın gedişində baş məşqçini də dəyişən komanda hələ ki ümidləri doğrultmur. “Gənclik şəhəri”nin təmsilçisi premyer-liqada ən az qol vuran kollektivdi. Sumqayıtlılar 11 oyunda rəqib qapısından cəmi 2 top keçirib. Hücum xəttinin “dişsizliyi” Samir Abasovu çətin vəziyyətə salıb. Məhz bu səbəbdən 44 yaşlı mütəxəssis “Sumqayıt”a yeni forvard dəvət edib. Söhbət Riçard Qadzedən gedir. Qanalı forvard təxminən 10 gündü ki, “kimyaçılar”ın düşərgəsindədi. Böyük ehtimalla, 28 yaşlı hücumçu ilə sabah rəsmi müqaqvilə imzalanacaq.

Xatıraladaq ki, forvard karyerası ərzində Azərbaycanda top qovub. O 2017-ci ilin fevralından mayınadək “Zirə”nin uğurları üçün tər töküb. Qanalının ölkəmizə ikinci yolçuluğu isə 2019-20-ci illərinə təsadüf edib. Bu dəfə də “qartallar”ın formasını geyinib. Qadzenin son klubu Banqladeş çempionatının birinci dəstəsində çıxş edən “Şeyx Russel” olub. Forvard “Sumqayıt”a azad agent satusu ilə qoşulub.

RƏŞAD