“Tondela”nın futbolçusu Manu Xose Hernando da karyerasını Azərbaycanda davam etdirə bilər.

Football-plus.az xəbər verir ki, mərkəz müdafiəçisi ilə “Qarabağ” maraqlanır. İspaniyalı menecerlər onu Ağdam təmsilçisinə təklif edib.

Manu Hernando bu mövsüm Portuqaliyanın ikinci liqasında 14 matçda meydana çıxsa da, fərqlənə bilməyib. 24 yaşlı müdafiəçi “Real”ın akademiyasında yetişib. Daha sonra Madrid təmsilçisinin farmklubu olan “Kastilya”ya keçib. 2020-ci ildə 200 min avroya “Rasinq”ə icarəyə verilib. Mövsümün ikinci yarısını elə həmin məbləğə “Ponferradina”da çıxış edib. 2021-dən isə 700 min avroya “Tondela”ya satılıb.

İspaniyanın U-15, U-19 və U-21 yığmalarının şərəfini qoruyub.

İLKİN SULTANLI