“Qarabağ” Belçika “Leven”inin futbolçusu Musa əl-Tamariylə də maraqlanır.

Football-plus.az xəbər verir ki, 25 yaşlı yarımmüdafiəçi menecerlər vasitəsi ilə “köhlən atlar”a təklif olunub. Sağ cinah vingeri ağdamlıların oyun üslubuna uyğun gəlir. Bu mövsüm çempionatda 19 matçda meydana çıxıb. Bu görüşlərdə 4 qol vurub, 2 məhsuldar ötürmə verib.

Tamari Belçika kubokunda da yaxşı performans sərgiləyib. O, 2 görüşdə meydana çıxaraq 2 məhsuldar ötürmə edib. Futbolçunun “Leven”lə müqaviləsinin müddəti 2023-cü ilin iyununda başa çatacaq. Onun qiyməti “transfermarkt” portalında 1,8 milyon avro göstərilib. 25 yaşlı vinger karyerasına ölkəsində başlayıb. O, “Şabab Əl-Ordan”da peşəkar futbolda debüt edib. Daha sonra icarə əsasında “Əl-Cəzirə”də (Əmman) top qovub. Musanın Avropa karyerası 2018-ci ildən başlayıb.

Yarımmüdafiəçi Cənubi Kipr APOEL-ində çıxış edib. 2020-də isə 1,6 milyon avroya “Leven”ə keçib. İordaniya millisinin heyətində 42 matçda meydana çıxıb. Bu görüşlərdə 9 dəfə rəqibləri məyus edib.

İLKİN SULTANLI