Amerikalı basketbolçu Kobi Brayantın MBA-nın və 20 il şərəfini qoruduğu “Los-Anceles Leykers”in əfsanəsi olduğunu bilməyən yoxdu.

O, MBA-nın beşqat qalibi və ikiqat olimpiya çempionu adını daşıyır. “Qara Mamba” təkcə parket üzərində yox, kənarda də ulduz idi. Özünü hip-hopda sınamağa, “Əziz basketbol” adlı qısametrajlı animasiya filminə görə “Oskar” mükafatının laureatı olmağa da vaxt tapmışdı. Həmçinin Brayant 4 qızın atası idi. Onun uğurunun sirri sadədi: “Qalib gəlmək üçün hər şey edirəm – ehtiyat oyunçular skamyasında oturub dəsmal yelləməkdən, su butılkalarını paylamaqdan tutmuş rəqib səbətinə həlledici topu atmağa qədər”.

Hər kəsin əleyhinə olduğu böyük sevgi tarixçəsi

21 yaşlı Kobi Meksika əsilli rəqqasla tanış oldu. 17 yaşlı məktəblinin ad-siyadı Vanessa Leyn idi. Qız məşhur rep ifaçısı Snup Doqun yanında çalışırdı. Basketbolçu həmin vaxt hip-hopla maraqlanırdı, “8 nömrə” ləqəbi ilə rep-savaşlarda iştirak edirdi. Bir dəfə özünün musiqi layihəsi ilə artıq yetərincə məşhur olan Snup Doqqun studiyasına baş çəkərkən Leynlə qarşılaşdı. Qız Doqqun klipində, demək olar ki, paltarsız çəkilirdi. Baxmayaraq ki, o, yetərincə mühafizəkar ailədən çıxmışdı, kilsəyə gedirdi, bütün çəkilişlərdə anası yanında olurdu. Kobi dərhal gənc və parlaq qıza vuruldu. İkiqat olimpiya çempionu məktəblinin nazı ilə oynayır, ona nəhəng gül dəstələri verir, məktəbdən çıxanda “Mersedes”lə qarşılayır, valideynlərinin borclarını bağlayırdı.
2001-də - qız artıq yetkinlik yaşına çatanda basketbolçu ona evlənməyi təklif etdi. Baxmayaraq ki, Kobinin ailəsi bu izdivacın əleyhinə idi. “Leykers”in ulduzu sevgilisinə 100 min dollarlıq nişan üzüyü aldı. Kobinin valideynləri mürəkkəb xarakteri üzündən Leyni ailəyə qəbul etmədilər. Üstəlik xanım afroamerikalı deyildi, Cənubi Amerikadan idi. Bu üzdən Kobinin valideynləri toyda iştirak etmədi. Yeni evlənənlər nigah müqaviləsi də bağlamadılar. Xanımının davranışına görə Brayant reklam müqavilələrindən oldu, özünü adekvat aparmadı, əvvəlki obrazından uzaqlaşdı.

Dörd qızın xoşbəxt atası

Bütün dünyanın bu sevgiyə qarşı olmasına baxmayaraq, ailədə 4 uşaq doğuldu. İlk övlad 2003-ün qışında dünyaya gəldi. Qıza Nataliya Daymant adını verdilər. Məhz uşağın dünyaya gəlişi bütün ailəni barışdırdı. İdmançı yenidən valideynləri ilə danışmağa başladı. İki il sonra ana bətnindən kənarda hamiləlik üzündən Vanessanın uşağı tələf oldu. Kobi bunun günahını özündə gördü: “Hiss edirəm ki, bu mənim günahımdı. Ailəmizi möhkəmləndirməliydik, ancaq mənim səhvim üzündən uşağı itirdik. Belə itkilər geniş yayılıb, ancaq bu ağrını öz içimdə daşımalıyam”.
Ancaq bir il sonra ailədə 2-ci qız – Canna Mariya-Onore dünyaya gəldi. 2016-cı ildə cütlüyün 3-cü varisi də doğuldu, bu qıza Byanka Bella adını verdilər. 2019-da isə Kobi – Vanessa cütlüyü növbəti dəfə valideyn olmağın sevincini yaşadı. Kapri Kobi ailəyə qoşuldu. “Qara Mama” ailədən ötrü canını verirdi, qızların hər istəyini qarşılayırdı.

Xəyanətlər və zorlama ittihamı

Kobi Brayant ailəsini hədsiz sevsə də, bəzən elə vəziyyətlərə düşürdü ki, ailə dağılmaq ərəfəsinə çatırdı. 2003-cü ildə “Leykers”in hücumçusu 19 yaşlı otel qulluqçusu Keytlin Freybleri zorlama ittihamıyla məhkəməyə çəkildi. Onda Kobi diz zədəsindən sonra bərpa dövrünü keçmək üçün Kolorado ştatındakı oteldə qalırdı. Keytlin basketbolçunu hücumda və intim xarakterli zorakı hərəkətlərdə suçlayırdı. Kobi məhkəmədə günahını boynuna alsa da, onu da dedi ki, hər şey qarşılıqlı razılıqla baş verib: “Bu qadına hücum etməmişəm və mənə yönələn ittihamlarla razılaşmıram. Xanımım qarşısında hədsiz xəcalət çəkirəm, ancaq bu məsələni biz artıq öz aramızda həll edəcəyik”.

Vanessa həmin vaxt həyat yoldaşının yanında dayandı və onu bağışlaya bildu. KB24 insident yatandan sonra xanımına 4,5 mlyon dollarlıq brilyant üzük bağışladı. Vanessa birgə mətbuat konfransına bu sözlərlə məsələyə nöqtə qoydu: “Ərim səhv edib, bunu bilirəm. Biz bunu öz aramızda həll edəcəyik. Ancaq o cinayətkar deyil, heç bir cinayət törətməyib. Kobi uşaqlarını çox sevir və qayğıkeş atadı”.

Belədə ittihamlar Kobinin üzərindən götürüldü, o, 5 milyon dollar kompensasiya ilə canını qurtardı. Bir çox reklamverən ulduz basketbolçu ilə müqaviləni pozdu, onun imici ciddi zərbə aldı.

7 il sonra Kobi yenidən qalmaqalın mərkəzinə düşdü. Tabloidlər MBA-nın beşqat çempionunun tanımadığı qadınlarla məclisdən şəkillərini yaydı. Leyn artıq buna dözə bilmədi və boşanma ərizəsi yazdı. Hərçənd başverənlərlə bağlı fərqli versiya da var. Guya idmanla ailə həyatını bir arada tuta bilməyən Brayant bu üzdən boşanmaq istədiyindən belə səhnə qurub. Ancaq 2013-də cütlük barışa bildu və ailə qorundu.

Faciəvi ölüm

2020-ci il yanvarın 26-da dünya qorxunc xəbərdən sarsıldı: özəl “Sikorsky S-76B” helikopterinin qəzaya uğraması nəticəsində 41 yaşlı Kobi və 13 yaşlı qızı Canna Mariya-Onore həlak oldu. Helikopterin göyərtəsində daha 7 adam var idi, onlar da həyatını itirdi. Halbuki məşqə tələsirdilər...
İstintaqın üzə çıxardığı qənaətə görə, qəzaya mühərrikin çalışmaması səbəb olub. Bu hadisə Kaliforniyanın Kalabasas şəhərinin yaxınlığında baş verdi. Xəbər yayılan kimi minlərlə adam “Leykers”in ev oyunlarını keçirdiyi arenanın ətrafına toplaşdı.

...Kobinin belə bir maraqlı ifadəsi də var: “Həyatımın hər anında böyük olmağı istəyirdim və yorulmadan çalışmağa davam edirdim. Hər dəfə gözlərimi bağlayanda günəş kimi necə parlaq işıq saçdığımı görürdüm”.