“Sumqayıt” 2022/23 mövsümünün ikinci yarısı üçün ilk transferini həyata keçirib.

Football-plus.az xəbər verir ki, "kimyaçılar" son olaraq Rumıniyanın “Botoşani” klubunda çıxış etmiş liberiyalı vinger Terrens Tisdellə 2023/24 mövsümünün sonuna qədər müqavilə imzalayıb. Məlumatı klubun rəsmi saytı yayıb.

Qeyd edək ki, Terrens Tisdel kariyerası ərzində “Hapoel" (Petah Tikva, İsrail), “Kocaelispor” (Türkiyə), “Botoşani” (Rumıniya) kimi klubların uğurları üçün çalışıb. 2019-cu ildən dəvət aldığı Liberiya millisinin heyətində 13 oyun keçirən Tisdel 1 qol vurmağa da müvəffəq olub.

Xatırladaq ki, futbolçunun "Sumqayıt"a keçəcəyi ilə bağlı məlumatı ilk olaraq "Football-plus.az" saytı yaymışdı.