FİFA-nın prezidenti Canni İnfantino futbol üzrə dünya çempionatlarının üçildənbir keçirilməsini istəyir.

Football-plus.az “Daily Mail”ə istinadən xəbər verir ki, o, Qətərdəki turnirin uğuruna heyran olub. Prezident əmindi ki, turnirin qışda keçirilməsi vəziyyəti önəmli dərəcədə dəyişdi və sübut etdi ki, futbolun sonrakı artımı və qloballaşması üçün potensial var.

Turnirin mövsümün ortasında keçirilməsi üzündən zədələrin sayının artacağı ilə bağlı narahatlıqlara baxmayaraq, qazanc üzrə yeni rekord müəyyənləşib. FİFA 6,2 milyard funt qazanc götürüb ki, bu da DÇ-2018 ilə müqayisədə 840 milyon funt artıqdı. İndi isə İnfantino turnirin indiki formatının dəyişməsi ilə bağlı təşəbbüsə köklənib. FİFA-nın prezidenti dünya çempionatının hər üç ildə bir dəfə keçirilməsini istəyir. Belədə dünya çempionatları arasındakı dövrdə 2025-ci ildən 32 komandanın qatılacağı klublarası dünya çempionatı və qitə çempionatları təşkil olunacaq. Ancaq bu xarakterli dəyişiklik yalnız DÇ-2030-dan sonra mümkündü. Ona görə ki, 2024-30-cu illər aralığını əhatə edən beynəlxalq futbol təqvimi ilə bağlı danışıqlar praktiki cəhətdən bitib. Xatırladaq ki, bir müddət əvvəl UEFA və KONMEBOL dünya çempionatının ikiildənbir keçirilməsinin əlayhinə çıxış edib.