Ayxan Abbasov Tovuzda baş verən dava-dalaşdan danışdı
Azərbaycan kubokunun 1/4 finalının cavab matçında "Turan Tovuz" "Kəpəz"lə heç-heçə edərək yarımfinala vəsiqə qazanıb - 2:2.
Football-plus.az xəbər verir ki, oyundan sonra meydan sahiblərinin baş məşqçisi qarşılaşma haqda fikirlərini səsləndirib:"Düşünürəm ki, hər iki komandanın azarkeşləri oyundan zövq aldı. Kubok matçları belə olur. Səfərdə qalib gəldiyimiz üçün üstünlüyümüz var idi. Erkən qol vurmaq iatəyirdik. İki dəfə fərqləndik. Bir az taktiki, fərdi səhvlər etdik ki, rəqib bunlardan yararlandı. İkinci hissə nəticə üçün önməli idi. Təbrik edirəm. "Turan Tovuz"un yarımfianla çıxması böyük uğurdu. Püşk də yaxşı idi. "Şamaxı"nı səfərdə keçmişik. Onlar isə ikinci dövrədə "Qarabağ"dan başqa heç bir rəqibə uduzmayıb. Eyni gücdə komandalar idi. Azarkeşlərimizə təşəkkür edirəm. Çempionatda son oyunu oyunayıb ikinci yarını fikirləşəcəyik".
Mütəxəssis qarşılaşmadan sonra yaşananlara da münasibət bildirib:
"Rəqibin futbolçusu qapıçımız Tərlan Əhmədliyə nəsə demişdi. Gərək daha soyuqqanlı olardı. Belə gözəl oyunun xoşagəlməz hadisə ilə yekunlaşmasını istəmirdik. Həmin dəqiqələrdə adrenalin yüksək səviyyədə olur. Böyük bir hadisə olmadı. Bu şeylər də futbolun bir gözəlliyidi".
Digər xəbərlər
