"Yarımfinala vəsiqə qazanmaq istəyirik" - Ehtiram Şahverdiyev
Azərbaycan kubokunun 1/4 finalında "Turan Tovuz" səfərdə "Kəpəz"i 2:1 hesabı ilə məğlub etdi.
Football-plus.az xəbər verir ki, "boz qurd"un ikinci qolunun müəllifi Ehtiram Şahverdiyev oldu. Qələbəni şərh etməsi üçün 26 yaşlı yarımmüdafiəçi ilə əlaqə saxladıq. Ehtiram Şahverdiyev "Football-plus.az"a açıqlamasında "Kəpəz"lə oyun barədə bunları söylədi:
"Çətin oyun olacağını bilirdik. Bu matça var gücümüzlə motivasiya olmuşduq. Düzdü, matça yaxşı başlamadıq. Matçın əvvələrində qol buraxdıq. Sonradan toparlanıb geri dönüş etdik. Hələ heç nə bitməyib. Kubok 2 oyundan ibarətdi. Hələ cavab matçı da var. Bu oyunda da qələbə qazanıb yarımfinala vəsiqə qazanmaq istəyirik. Həmin görüşdə özümü yaxşı tərəfdən göstərdim. Hamı istəyirik ki, belə oyunlarda məhsuldar ötürmə etsin, qol vursun. Həmin gün də bu sevinc mənə qismət oldu".
Ehtiram premyer-liqanın 17-ci turunda doğma meydanda qarşılaşacaqları "Neftçi" ilə oyun haqda da fikirlərini səsləndirib:
"Maraqlı görüş olacaq. Doğma meydanda oynamağımız əladı. Rəqib köklü komandadı. Hər şey baş verə bilər. Lakin biz də yaxşı hazırlaşmışıq. Meydana maksimum nəticə əldə etmək üçün çıxacağıq".
İLKİN SULTANLI
Digər xəbərlər
