Gəncəli deputat: "Komandamız "Turan Tovuz"u məğlub edəcək potensialdadı"
Bu gün Azərbaycan kubokunun 1/4 finalının ilk matçında "Kəpəz" "Turan Tovuz"la qarşılaşacaq.
Qərb derbisi bir çoxlarının diqqətindədi. Görüşləri bağlı fikirlərini öyrənmək üçün deputat Naqif Həmzəyevlə əlaqə saxladıq. Gəncədən olan millət vəkili "Football-plus.az" açıqlamasında bunları söylədi:
"Kəpəz" gəncəlilərin ürəyidi. Gəncə təmsilçisi Azərbaycan futbolunda çox böyük yeri olan komandadı. Lakin təssüflər olsun ki, "Kəpəz" son dövrlərdə uğurlarını təkrarlaya bilmirdi. Hətta premyer-liqadan kənarda qalmışdı. Amma "kəpəz"sevərlərin, rəhbərliyin və bizlərin sayəsində komanda bu mövsümdən elitada çıxış edir. Buna baxmayaraq, problemlər kollektivdən əl çəkmir. "Kəpəz" tam gücünü bərpa etməyib. Lakin komandamızın bu gün "Turan Tovuz"u məğlub edəcəyini düşünürük. Rəqib də bizim kimi bu mövsüm premyer-liqaya qayıdıb. Onlar çempionatda çox yaxşı mübarizə aparırlar. Amma düşünürəm ki, komandamız "Turan Tovuz"u məğlub edəcək potensialdadı. Ən pis halda qarşılaşma heç-heçə bitsin ki, növbəti mərhələyə keçmək şansımız Tovuzdakı qarşılaşmaya qalsın".
İLKİN SULTANLI
