Antalya toplanışının ardından Jezuşla görüşərək yemək yedik. Braziliya yığması ilə bağlı şayiələri də ondan soruşdum. Rəsmi və ya şifahi şəkildə heç bir təklifin olmadığını dedi. Əslində belə şeylərə sevinirəm. “Fənər”in məşqçisi Braziliya yığmasının başına keçməyə layiq görülən 3-4 mütəxəssisdən biridi. Bu da “Fənər”in yayda Jezuşla anlaşmaqla necə böyük bir iş gördüyünü göstərir. Bu işdə az da olsa, mənim də payım var. Jezuşun bizimlə mövsümün sonuna qədər müqaviləsi var və onun şərtlərini pozacağına qətiyyən inanmıram. Komandanın bu qədər yaxşı formada olduğu və fanatların uğurlu sonluğa inanmağa başladığı bir dönəmdə belə şayiələrin ortaya çıxması heç yerinə düşmədi. Amma bunlar, sadəcə, elə-belə ortaya atılan söhbətlərdi. Çünki Braziliyanın belə bir planı olsa, zatən bunu açıqlayardılar. Başqan Əli Koç mövzuya münasibət bildirib əlavə polemika yaratmaq istəmir. Axı olmayan şeyin nəyini təkzib edəsən?! Bundan başqa, unutmayaq ki, indiyə qədər Braziliya yığmasını heç vaxt əcnəbi məşqçi çalışdırmayıb. Ona görə də “Fənər”lilər rahat olsun. Jezuş heç yerə ayrılmır. Digər tərəfdən, ola bilər ki, bu söz-söhbət Jezuşu bir qədər düşündürsün. Hər halda, Braziliya kimi komandanın başına kim keçmək istəməz?! Bəlkə də Jezuş qəlbinin dərinliyində özü-özünə “axı niyə məhz indi” sualını verir. Çünki onun da Braziliyanı sevdiyini bilirəm. Amma Türkiyədən artıqlamasıyla məmnundu. İnsanlarla münasibıti və konsentrasiyası son dərəcə mükəmməldi. Yeni müqaviləyə imza atacaqmı? Gəlin, tələsməyək. Bunun üçün birinci şərt çempion olmaqdı. Sizi əmin edirəm ki, “Fənər” ötən mövsüm 2-ci yeri tutmasa və ÇL-ə vəsiqə qazanmasaydı, bu adamı komandanın başına gətirə bilməzdik. İndi də eyni durumdu. Hələlik çempionluq və ÇL-ə vəsiqə qazanıb-qazanmamağımız bəlli deyil. Jezuş indiyə qədər heç yerdə ikiillik müqaviləyə imza atmayıb. Çünki müqavilənin tərəflərdən heç birinə əlavə yük olmasını istəmir. Yəni daha çox klubu düşünür. Məşqçinin işlədiyi yerdə uğurlu olub-olmayacağını heç kim bilmir. Jezuşun məntiqi belədi ki, müqavilə müddəti bitəndən sonra hər iki tərəf bir-birindən razıdısa, yeni anlaşma imzalamaq asan olacaq. Yəni çempionluq əldə olunsa, onu yeni müqaviləyə razı salmaq baxımından problem yaşanmayacaq. Amma indi – mövsümün ortasında lap başqan Əli Koç da ona ağız açsa, Jezuş təklifi geri çevirəcək. Çünki sonluğun necə olacağını bilmir”.