"Möhtəşəm komandaya qalib gəldik" - Franko Mazurek
Azərbaycan kubokunun 1/4 finalının ilk oyununda "Səbail" "Sabah"ı 3:2 hesabı ilə məğlub etdi.
Football-plus.az xəbər verir ki, görüşün qəhrəmanlarından biri Franko Mazurek idi. Argentinalı yarımmüdafiəçi dubl edərək komandasının qələbə qazanmasında pay sahibi oldu. 29 yaşlı futbolçu saytımıza açıqlamasında görüşlə bağlı bunları söylədi:
"Möhtəşəm komandaya qalib gəldik. Ancaq bu, ilk oyun idi. Növbəti mərhələyə yüksəlmək üçün səfərdə də yaxşı oynamalıyıq. Ən azı ilk görüşdəki nəticəni qorumalıyıq. Oyunda dubl etdim. Performansımdan razıyam. Ən çox da nəticəyə görə sevinirəm. Ümid edirəm ki, cavab matçında da bunu təkrarlayacağıq".
Mazurek premyer-liqanın 17-ci turunda qarşılaşacaqları "Sumqayıt" görüşü haqda da fikir səsləndirib:
"Qarşıda bizi çox çətin oyun gözləyir. Son turda qələbə qazanıblar. Amma bu, bizi narahat etməməlidi. Sadəcə, yaxşı performans sərgiləyib, bildiyimiz kimi oynamalıyıq".
İLKİN SULTANLI
Digər xəbərlər
