Kadi “Neftçi”yə cərimə zərbəsindən vurduğu qol haqda danışdı
Premyer-liqanın 16-cı turunda “Qarabağ” səfərdə “Neftçi”ni 4:0 hesabı ilə darmadağın etdi.
Ağdam təmsilçisi, demək olar ki, çox rahat qələbə qazandı.
Oyunun ən maraqlı məqamlarından biri Kadi Borgesin 83-cü dəqiqədə cərimə zərbəsindən fərqlənməsi idi. Yarımmüdafiəçi qolun vurulması haqda “Football-plus.az”a açıqlamasında bunları söylədi:
“Zərbəni vurmamışdan öncə Maksimlə dialoqumuz oldu. Kapitan dedi ki, qapı istiqamətinə asma etsən, daha yaxşı olar. Planımız belə idi ki, cərimə meydançasında yer alan futbolçularımız başla qapıya zərbə vursunlar. Lakin mən kapitanla razılaşmadım. Dedim ki, orda başla oynaya bilən təkcə Bəhlul var, “Neftçi”nin ucaboy futbolçuları daha çoxdu. Bu səbəbdən də topu qapıya göndərmək haqda qərar qəbul etdim. Qapıçının da irəli çıxdığını gördüm. Brkiç də asma edəcəyimi düşünürdü. Bu səbəbdən də irəli çıxmışdı. Bunu görən kimi risk etmək və qapıya zərbə vurmaq haqda qərar verdim. Möhtəşəm qol alındı. Komandanın qələbəsinə töhfə verdiyim üçün çox sevincliyəm”.
İLKİN SULTANLI
Digər xəbərlər
