Mövsümü ümumilikdə uğursuz keçirən “Vaşinqton” srağagün səfərdə “Filadelfiya”nı darmadağın etdi.

Football-plus.az xəbər verir ki, paytaxt klubunun kapitanı Aleksandr Oveçkin hakimin final fitinə 9 saniyə qalmış oyunda son nöqtəni qoydu. Maraqlıdı ki, rusiyalı ulduz ilk qol kimi ikincini də boş qapıya vurdu. Bu məqam onunla “Filadelfiya”nın forvardı Trevis Koneknı arasında münaqişəyə səbəb oldu. Koneknı Oviyə yaxınlaşaraq sərt şəkildə “bu nə idi” dedi. Oveçkin də eyni şəkildə cavab verdi: “795-ci qol. Sən tarixin şahidisən”. Bundan sonra iki hokkeyçi buz üzərində bir-birini itələməyə və təhqir etməyə başladı. Hakimlərin müdaxiləsi ilə aranı sakitləşdirmək mümkün oldu.

Dubl sayəsində MHL-də qol sayını 795-ə çatdıran 37 yaşlı Oveçkin snayperlər siyahısanda yalnız Qordi Hou (801) ilə Ueyn Qretskidən (894) geri qalır. Onun elə bu mövsüm, bəlkə də il dəyişənə qədər Hounu arxada qoyacağı artıq heç kimdə şübhə doğurmur.

Bu qələbə həm də 2020-nin sentyabrından “Vaşinqton”u çalışdıran Piter Laviolett üçün özünəməxsus doğum günü hədiyyəsi olub. Oyundan sonra Oveçkin paltardəyişmə otağında 58 yaşını tamamlayan baş məşqçi üçün “Happy Birthday” mahnısını oxuyub. Qalan hokkeyçilər da kapitana qoşulub. Laviolett də Oveçkinin oyunu haqda danışmağı lazım bilib: