Bu gün futzal Yüksək Liqada ikinci dövrənin sonuncu, ümumilikdə isə 10 turun oyunları keçirilib.

Football-plus.az xəbər verir ki, turun ilk oyunu kifayət qədər maraqlı alınıb. “Neftçi” ardıcıl 2 qol vursa da, nominal meydan sahibləri geridönüş etməklə fasiləyə hesabda üstün yollanıb. İkinci hissədə də ilk qolu “Neftçi” vurub və tablodakı rəqəmləri eyniləşdirib. Ardınca isə İlkin Hacıyev yenidən komandasını önə keçirib. Bu qol həm də oyunun nəticəsini müəyyənləşdirib. Beləliklə “Neftçi” qış fasiləsinə qələbə ilə yollanıb.

10-cu tur çərçivəsində keçirilməli olan "Alyans" – "Baku Fair" matçı baş tutmayıb. Buna səbəb Lənkəran təmsilçisinin təyin olunan matçda meydana çıxmamasıdır. Oyunun yekun nəticəsi ilə bağlı AFFA İntizam Komitəsi qərar verəcək.

Turun və ilin son duelində “Araz-Naxçıvan” qələbə qazanıb. Yüksək Liqada 2022-ci ilin son qolunu isə Xəzər Ağalızadə vurub.

Record club – Neftçi İK (3:2) 3:4
Qollar: Seyidreza Hosseini Hotkani, 12:47, Matin Qahramani, 13:59, Mojtaba Vali, 17:22 // Rüstəm Bağırov, 5:49, Hasan Ali Jafari, 7:27, Asif Zeynalov, 25:15, İlkin Hacıyev, 34:31

Alyans (Lənkəran) – Baku Fire (oyun keçirilməyib)

Araz-Naxçıvan – U-19 (4:0) 6:2
Qollar: Viktor Ponce, 1:35, Ramiz Çovdarov, 2:19, Fərid Ələkbərov, 18:29, Xəzər Ağalızadə, 19:23, 37:35, 39:56 // İlham Alıyev, 22:23, Rüfət Məmmədli, 33:41