Bu gün Yüksək Liqada ikinci dövrənin sonuncu, ümumilikdə isə X turun oyunları keçirilib.

Turun ilk oyunu kifayət qədər maraqlı alınıb. “Neftçi” ardıcıl 2 qol vursa da, nominal meydan sahibləri geridönüş etməklə fasiləyə hesabda üstün yollanıb. İkinci hissədə də ilk qolu “Neftçi” vurub və tablodakı rəqəmləri eyniləşdirib. Ardınca isə İlkin Hacıyev yenidən komandasını önə keçirib. Bu qol həm də oyunun nəticəsini müəyyənləşdirib. Beləliklə “Neftçi” qış fasiləsinə qələbə ilə yollanıb. X tur çərçivəsində keçirilməli olan Alyans – Baku Fair matçı baş tutmayıb. Buna səbəb Lənkəran təmsilçisinin təyin olunan matçda meydana çıxmamasıdır. Oyunun yekun nəticəsi ilə bağlı AFFA İntizam Komitəsi qərar verəcək. Turun və ilin son duelində “Araz-Naxçıvan” qələbə qazanıb. Yüksək Liqada 2022-ci ilin son qolunu isə Xəzər Ağalızadə vurub.


Record club – Neftçi İK (3:2) 3:4
8 dekabr. Olimpik Star. Saat 14:00
Hakimlər: Knyaz Əmiraslanov, Rza Məmmədov, Nahid Xasıyev
Hakim-inspektor: Azad Hüseynov
Qollar: Seyidreza Hosseini Hotkani, 12:47, Matin Qahramani, 13:59, Mojtaba Vali, 17:22 // Rüstəm Bağırov, 5:49, Hasan Ali Jafari, 7:27, Asif Zeynalov, 25:15, İlkin Hacıyev, 34:31
Sarı vərəqələr: Seyidreza Hosseini Hotkani, 11:38, Mojtaba Vali, 29:01, Mehdi Karimi, 38:04 // Rüfət Balakişiyev, 12:35, Asif Zeynalov, 11:15, Hasan Ali Jafari, 21:30

Alyans (Lənkəran) – Baku Fire (oyun keçirilməyib)
8 dekabr. Olimpik Star. Saat 16:00
Hakimlər: Hacıəli Ağayev, Nail Nağıyev, Xəlil Xəlilov
Hakim-inspektor: Murad Məmmədov

Araz-Naxçıvan – U-19 (4:0) 6:2
8 dekabr. Olimpik Star. Saat 18:00
Hakimlər: Əli Cəbrayılov, Elgün Hüseynov, Anar Fərəcov
Hakim-inspektor: Əfqan Həmzəyev
Qollar: Viktor Ponce, 1:35, Ramiz Çovdarov, 2:19, Fərid Ələkbərov, 18:29, Xəzər Ağalızadə, 19:23, 37:35, 39:56 // İlham Alıyev, 22:23, Rüfət Məmmədli, 33:41
Sarı vərəqələr: Qüdrət Qasımzadə, 11:23