Bu gün Yüksək Liqada 16-cı turun turun oyunları keçirilib.
Turnir cədvəlinin qonşu pillələrində qərarlaşan komandaların duelini “Record club.az” qazanıb. Böyükhesablı qələbə sayəsində nominal qonaqlar xal ehtiyatını artırsa da, mövqeyini dəyişməyib.
Turun mərkəzi oyununda isə “Araz-Naxçıvan”la “Neftçi” üz-üzə gəlib. Qış fasiləsindən sonra keçirdiyi oyunların hamısında qələbə qazanan “Neftçi” İlkin Hacıyevin xidmətindən istifadə edə bilmirdi. Liderdə isə İsa Atayev zədə səbəbindən meydana çıxmamışdı. "CBC Sport" canlı yayımlanan oyunun idarəçiliyi FİFA referilərinə həvalə olunmuşdu. Hesabı “Neftçi”nin oyunçusu açdı. Hasan Ali Jafari topu bu dəfə öz qapısına göndərməklə rəqib sevinməsinə şərait yaratdı. Cəmi 1 dəqiqə sonra Maneka Felipinyonun ötürməsindən fərqi artırdı. 17-ci dəqiqədə Hasan Ali yenə fərqləndi. Əfqanıstanlı forvard bu dəfə “Araz-Naxçıvan”ı meydanın mərkəzinə dəvət etdi.
İkinci hissədə də bərabərsəviyyəli oyun davam etdir. Hər iki komanda hesabı dəyişmək üçün imkan əldə etsə də, 36-cı dəqiqədə Ramiz Çovdarov sükutu pozdu. 37-ci dəqiqədə isə “Neftçi” azlıqda qaldı. Elnur Zamanov David Qustavonu dayandıran zaman kobudluğa yol verdi ki, hakim də ona qırmızı vərəqə göstərdi. Say üstünlüyündən istifadə edən lider Maneka ilə fərqi də artırdı. Yekunda növbəti qələbəsini qazanan “Araz-Naxçıvan” zirvədəki mövqeyini möhkəmləndirdi. “Neftçi” İK isə 2022-ci ildə ilk məğlubiyyəti ilə barışmalı oldu.
Gələn həftə Avropa çempionatının seçmə mərhələsində iştirak edəcək U-19 son imtahanını EKOL-a qarşı verdi. Tədricən həycanını boğan gənclər matçı bərabərləşdirsələr də, təcrübəli heyətin hesabı açmasına mane ola bilmədi. “Siftə” Tofiq Mikayılovdan gəldi. Fasiləyə yaxın Faiq Əliyev üstünlüyü 2 topa çatdırdı. İkinci hissədə daha 3 qol vuran meydan sahibləri turu 3 xalla qapadı.
Son matç isə baş tutmadı. Belə ki, “Xilə” təyin olunmuş vaxtda meydana çıxmadı. Oyunun nəticəsi barədə İntizam Komitəsi qərar verəcək.
"Alyans" (Lənkəran) - "Record club.az" (1:4) 1:7
"Araz-Naxçıvan" – "Neftçi İK" (2:1) 4:1
EKOL – U-19 (2:0) 5:0
"Baku Fire" - "Xilə" - ??