“Qarabağ”la “Neftçi” arasında baş tutan matçları “el-klasiko” kimi qələmə vermək olar” - Kadi
“Əksər futbolçular kimi, mən də belə oyunların iştirakçısı olmağı çox istəyirəm. “Qarabağ”la “Neftçi” arasında baş tutan matçları “el-klasiko” kimi qələmə vermək olar. Çoxları həvəslə bu görüşü gözləyir. Bu ab-havada oynamaq həqiqətən əladı”.
Bu sözləri “Football-plus.az”a açıqlamasında Kadi Borges deyib. Ağdam təmsilçisinin futbolçusu premyer-liqanın 16-cı turunda “Neftçi”ni səfərdə 4:0 hesabı ilə məğlub etdikləri görüş haqda fikirlərini bildirib:
“Meydana çox istəkli çıxmışdıq. Görüşün əvvəlindən sonuna kimi planlaşdırdığımız oyun modelini tətbiq edə bildik. İlk dəqiqələrdən başlayaraq qol vəziyyətləri yaratdıq. Oyunun əvvələrində bu fürsətlərdən yararlana bilmirdik. Buna görə qətiyyən həvəsdən düşmürdük. Lakin ilk hissədə istəyimizə çatdıq. Qol vurmağımız bizi rahatlaşdırmadı. Daim irəli gedirdik və daha çox fərqlənmək istəyirdik. Oyunumuzu göstərməyə çalışırdıq. Düşünürəm ki, bunu da bacardıq. İlk “11-lik”də oyuna başlayan komanda yoldaşlarıma, daha sonra meydana çıxanlara təşəkkürümü bildirirəm. Çünki onlar kollektivin gücünün sabit qalmasına kömək oldular”.
İLKİN SULTANLI
Digər xəbərlər
