Veysəl Rzayev qeyri-adi qolu haqda danışdı - AÇIQLAMA
Birinci divizionun 18-ci turunda maraqlı hadisə baş verib.
"Sabah-2" - "Zirə-2" görüşündə meydan sahiblərinin üzvü Veysəl Rzayev künc zərbəsindən fərqlənib. Yarımmüdafiəçi 90+3 dəqiqədə komandasın 2-ci qolunu vurub. Bu, ölkə futbolunda baş verən nadir hadisələrdəndi.
Epizodu “Football-plus.az” saytı üçün şərh etməsi üçün səbəbkarla əlaqə saxladıq: "Neçə vaxtdı qol vura bilmirdim. Fərqlənəndə futbolçuda özünəinam bir qədər də artır. Bu qol həm bu məqam, həm də komandamın qələbəsinə töhfə verməyim baxımından mənim üçün çox sevindirici oldu. Hər oyundan öncə standart vəziyyətlər üzərində çalışırıq. Künc zərbəsini yerinə yetirməmişdən öncə komanda yoldaşlarıma baxdım. Demək olar, hamı cərimə meydançasında qapıçının qarşısında idi. Mən də mümkün qədər topu qapı istiqamətinə yönləndirməyə çalışdım. Xoşbəxtlikdən top tora daxil oldu. Qolu kimin və necə vurmasından asılı olmayaraq, əsas odu ki, fərqlənməklə komandamın qələbəsinə töhfə verdim".
İLKİN SULTANLI
Digər xəbərlər
