Nadal mövsümü istədiyi kimi bitirə bilməyib
İspaniyalı tennisçi Rafael Nadal ATP-nin illik yekun turnirində norveçli Kasper Ruud üzərindəki qələbəsini (7:5, 7:5) şərh edib:
“Yaxşı məşq etmişdim. Sadəcə, görünür, lazım olan səviyyəyə çatmaq üçün yetərincə oyun keçirməmişəm. Ağır altı aydan sonra özünəinam çatmadı. Bu fikirlə razıyam ki, mövsümü istədiyim kimi bitirə bilmədim. Heç olmasa, sonda qələbə qazandım. Bu isə vacibdi, mövsümdə sonuncu rəsmi oyunum idi, bu üzdən qələbəyə görə sevinirəm. Çox güclü rəqibə qalib gələ bildim”.
Bu qələbə Nadala pley-offa vəsiqə qazandırmayıb. Ona görə ki, ispaniyalı tennisçi qrupdakı ilk iki oyunda uduzmuşdu. ATP-nin illik yekun turniri Turində keçirilir. Turnirin mükafat fondu 14,75 milyon dollardı.
Digər xəbərlər
