Kişinyovdakı oyun maraqla gözlənilirdi. Bu, De Byazinin AFFA ilə müqaviləni yeniləyəndən sonrakı ilk sınağı idi.

İtaliyalı mütəxəssis son 3 matзda qələbə qazanmışdı və seriyanı davam etdirmək istəyirdi. Yığmamız meydana artıq ənənəvi sayılan 4-5-1 sxemi ilə çıxdı. Qapıda Şahruddin yer almışdı. Müdafiənin solunda Elvin çıxış edirdi. De Byazi mərkəzdə Antonla Bəxtiyara güvənmişdi. “Sabah”ın üzvünü meydanda görmək bir qədər təəccüb doğursa da, komandanın зempionatdakı əla çıxışı onun futbolçularına güvənin artmasına səbəb olub. Sağda isə Höccət çıxış edirdi. Yarımmüdafiənin dayağında Riçard, ondan bir qədər öndə kapitan Emin çıxış edirdi. Ramil sol, Ozan Can isə sağ vinger kimi oynayırdı. Aleksey pleymeyker funksiyasını yerinə yetirirdi. Premyer-liqanın bombardirlərindən olan Musa yeganə qol ümidimiz idi.

Sergey Kleşçenko isə yığmamıza qarşı 5-li müdafiədən istifadə edirdi. Mütəxəssis ardıcıl 3 oyunda qələbə qazanan rəqibi ilə görüşdə məğlub olmaq istəmirdi. Yığmamızın üzvləri isə fərqli fikirdə idi. De Byazinin komandası ilk dəqiqələrdən hücuma atıldı. İlk təhlükəli vəziyyəti də bizimkilər yaratdı. 3-cü dəqiqədə Elvinin ötürməsindən sonra müdafiəзiyə dəyən topun qarşısını qolkiper Dmitri çətinliklə ala bildi. De Byazinin komandası müdafiəyə qapanan rəqibə təzyiq göstərirdi. 7-ci dəqiqədə Emindən ötürməni qəbul edən Höccət müdafiəçini aldatdıqdan sonra qapıya zərbə endirsə də, yenə Dmitri yerində idi. Moldovalıların qapımız istiqamətində ilk zərbəsi 11-ci dəqiqədə vuruldu. Küncdən göndərilən ötürməni Vadim saxlamadan qapıya göndərmək istəsə də, top üstdən keзdi. İlk 25 dəqiqənin bütövlükdə komandamızın üstünlüyü şəraitində keзdiyini desək, yanılmarıq. Hücum xəttində və yarımmüdafiədə yer alan futbolçularımız rəqibi göz açmağa imkan vermirdi. Bu da öz faydasını verdi. 28-ci dəqiqədə Ramilin ötürməsinə toxunan Eminin zərbəsi qapıçı üçün qarşısıalınmaz oldu. Moldavanlar ilk ciddi hücum cəhdində hesabı bərabərləşdirə bilərdi. Küncdən ötürülən topa Yuri başla zərbə endirsə də, top qapının yanından keçdi. Qolun sevincindən ayılan yığmamız yenə fərqlənmək üçün hücumlara atıldı. 37-ci dəqiqədə Eminin küncdən ötürdüyü topu Dmitri зətinliklə geri qaytardı. Özünü “dəri kürə”yə çatdıran Antonun zərbəsi qapı tirinə dəyib meydanı tərk etdi. Artıq yığmamız oyuna tam nəzarət edirdi. 40-cı dəqiqədə Eminin dubl etməsinə dirək mane oldu. Qaçırılan imkanlar futbolçularımızın əsəblərini oynadırdı. Lakin 42-ci dəqiqədə İsayev bütün narahatlığa son qoydu - 0:2.

Komandalar fasiləyə bu hesabla yollandı. İkinci hissədə isə ssenari fərqli oldu. De Byazi Ozan Canın əvəzinə Mahiri meydana buraxdı ki, fərqi daha da artırsın. Lakin rəqib qəflət yuxusundan ayılmışdı. 2-ci hissədə də ilk real təhlükəni biz yaratdıq. İsayevin ötürməsindən sonra Riçardın qapıya göndərdiyi top yandan keзdi. 58-ci dəqiqədə isə rəqib qapımıza yol tapdı. Şahruddin Damaşkanın zərbəsinin qarşısını ala bilməsə də, yan xətt hakimi oyundankənar vəziyyət qeydə aldı. Bu səbəbdən də qol ləğv olundu. 71-ci dəqiqədə isə Mahir saç-baş yoldurdu. Eminin dərindən ötürməsini qəbul edən hьcumзunun zərbəsində azacıq dəqiqlik çatmadı. Qələbənin təmin edildiyini anlayan De Byazi 83-cü dəqiqədə Eminlə Ramili meydandan çıxararaq Anatoli ilə Namiki mübarizəyə atdı. Lakin bu dəyişiklik moldovalılara daha çox xeyir verdi. 87-ci dəqiqədə meydan sahibləri hesab arasındakı fərqi azalda bilərdi. Lakin Posdolakinin zərbəsini Şahruddin tirin altından çıxara bildi. Bir qədər sonra moldovalılar qol istəyinə çatdılar. Künc zərbəsindən sonra qapımız önündə qarışıqlıq yarandı. Bundan faydalanan Motspan fərqi azaltdı. Beləliklə, Canni de Byazinin komandası ardıcıl 4-cü oyunda qələbə qazana bildi. Bu həm də 12 dəfə qarşılaşdığımız rəqibin meydanında qazanılan ilk qələbə kimi tarixə düşdü.

İLKİN SULTANLI