Yığma bu gün növbəti oyuna çıxıb.

Bu, italiyalı mütəxəssisin AFFA ilə yeni müqavilə bağlayandan sonra ilk sınağı olub. Millimiz Moldova ilə qarşılaşıb.

Beynəlxalq yoldaşlıq oyunu

286. Moldova - Azərbaycan 1:2
Qollar: N. Mospan, 90 - E. Mahmudov, 28, A. İsayev, 43
Moldova: 1.Dmitri Çelyadnik. 2.Oleq Ryabçuk, 4.İqor Armaş, 7.Artur Yonitse (k), 10.Yevgeni Koçuk, 11.Vitali Damașkan, 13.Mixail Kaymakov, 14.Yuri Yovu, 17.Daniel Dumbravanu, 21.Yoan-Kelin Revenko, 22.Vadim Ratse

Baş məşqçi: Sergey Kleşenko

Azərbaycan: 12.Şahruddin Məhəmmədəliyev, 6.Höccət Haqverdi, 8.Emin Mahmudov (k), 11. Ramil Şeydayev, 15.Bəxtiyar Həsənəlizadə, 18.Anton Krivotsyuk, 19.Elvin Cəfərquliyev, 20.Riçard Almeyda, 21. Ozan Can Kökçü, 22.Aleksey İsayev, 24. Musa Qurbanlı

Baş məşqçi: Canni De Byazi
Hakimlər: DENİS ŞURMAN, Aleksandr Jukov, Viktor Nijnik (hamısı Ukrayna), Roman Jitari (Moldova).

16 noyabr. Kişinyov. “Zimbru” stadionu. Saat 21.00

De Byazi AÇ-2024-ün seçmə mərhələsinə yaxşı hazırlaşmaq niyyətindədi. İtaliyalı mütəxəssis bu səbəbdən bu iki qarşılaşmaya xüsusi önəm verir. Ardıcıl 3 oyunda qələbə qazanan komanda seriyanı davam etdirmək istəyir. Bu səbəbdən də italiyalı əvvəlcə Moldovanı, 4 gün sonra isə Şimali Makedoniyanı məğlub etmək arzunsundadı. Heyətə göz gəzdirsək, yığmanın bunu bacaracaq potensialda olduğunu söyləyə bilərik. Maraqlı məqam bundan ibarətdi ki, hazırda yığmada 50 oyun keçirən təkcə Ramil Şeydayevdi.
Səfər matçı olsa da, yığmamız Moldova qarşısında favoritdi. Düzdü, 2021-ci ildə keçirilən son matçda rəqibə minimal hesabla məğlub olmuşuq. Elə bu səbəbdən De Byazinin komandası rəqibdən qisas almağa çalışacaq.

Heyətlərə baxsaq, yığmada ciddi itki yoxdu. Sadəcə, Bədavi Hüseynovla Filip Ozobiç zədəlidi. Amma De Byazinin sərəncamında onları əvəzləyəcək futbolçular var. Rəqib düşərgədə isə hücumçu Maksim Kojokarla müdafiəçi Vyaçeslav Posmak millimizə qarşı oynamayacaq. “Petrokub”un 24 yaşlı forvardı səhhətində yaranan problem səbəbindən heyətdən kənarlaşdırılıbsa, Posmakı klubu “Boluspor” milliyə buraxmayıb. Onları uyğun olaraq “Petrokub”un yarımmüdafiəçisi Yaser Surkanla “Sfıntul George”nin müdafiəçisi Mixail Ştefan əvəzləyib.

Ümumiyyətlə, bu komandalar indiyə kimi 11 dəfə üz-üzə gəlib. Bu görüşlərin 4-də Moldova, 2-də yığmamız sevinib, 5-də qalib müəyyənləşməyib. Topların nisbətində də rəqib öndədi - 10:6.